KEUCEWA

Dilee away phon Lon seume bungoeng

Kaleuh lon tanom di taman cinta

Shit  ka timoh bungoeng lon sayang

Hate lon senang cukop bahagia
http://upateun.blogspot.com

Supot ngon bengoeh sabe lon siram

Bungoeng lam taman lon jaga sabe

Nibak si uroe tuwoe lon tuan

Gisa lam taman bungoeng hana le

Leupah susah rasa lam hate

Si bungoeng padee hana meuho ka

Bungoeng lon pujoe jino hana le

Bungong lon seume gadeh dimata

Jino hana le bungoeng lon seume

Aleh soe kaleh ba bungong lon pula

Jino lon rasa meurana hate

Ka hana le bungong lon pula

Susah cukop brat lon pike bungong

Sampe lon bingoeng jino kecewa

Bungong lon seume gadeh lam  taman

Leupah that sayang bungong han le na

Cinta away phon keumang cukop get

Kong that meukeumat di dalam dada

Gaseh ngon sayang get that meubalot

Meubacut han rhet hay deq u luwa

Rindu ngon cinta kong that lam hate

Rasa dum bek cebre cinta lam dada

Tapi oeh akhe ka laen pike

Adeq keu ulon tabri kecewa

Sayang ngon cinta keupeu taracon

Gaseh cinta lon kepeu ta tinggai

Janji setia keupeu deq jino tagulong

Hingga  diri lon takeubah lam luka

Keupeu dilee phon keu lon ta sayang

Ulon hay intan get that ta cinta

Paken oeh akhe lage nyoe macam

Keu lon hay sayang ta bri deurita

Cinta yang lon bri away get that ta sambot

Ngon leumah lembot gata teurima

Pakon gaseh lon jino tapeu rhet

Keulon tapulang cinta meubalot luka

Dalam hate lon ka ta choup duroe

Cinta di adoe cukop that bisa

Keu ulon adeq han le ta pakoe

Diri lon si droe han le ta cinta

Keupeu oeh akhe ulon ta hanco

Cinta lon deq e ta sia-sia

Kajeut lon mantong gata peu anco

Bek le e adoe ureung laen tapeu kecewa

[KEUCEWA]

[17/07/2011]